.
.
الخميس, 09 نوفمبر, 2006
قـلبي وقـلبك في الهـوى متجـاوبـين
أعـرف وأظـنـك يا حــيـاتـي عــارفــه
هـذي حـقـيـقـه ما تغـيرهـا الـسـنـين
مـاهي دعـاوي أو مــشـاعـر زائـفــه
أشـتاق لـك و أشـعـر بـإنـك تـشـعـرين
باشـواق قـلـبي والـمحـبـه الجـارفــه
وأشعـر بحـبـك وأشـتـيـاقـك و الـحنين
مـكـتـوم فـي صـدرك ولكن شـايـفــه
أمـر الـهـوى يحكم قـلـوب العـاشـقـين
وقـلـبي و قـلـبـك تـسـمعـه و تـخـالـفــه
الـكل حــالــف مـا يـبــوح ولا يـلــيـن
وأعـصاب صـبره فـي الـمحــبه تالـفــه
نـخـدع بـظـاهـرنـا عـيون الـنـاظـرين
وتـصلا دواخـلــنا لـهــيـب الـعـاطـفـــه
كــني أنـا والـقـلـب جــلاد وسـجــيـن
وكـنـك عـلى تـعـذيـب نـفـسـك حـالـفـه
الـمـشــكلـه إنـَّـا بـقــيــنـا شــايـلــين
رغم الهـوى خوف السـنين السالفــه
مـن شـدة الحـرص الـلي فـيـنا خايفـين
حـتى الــمـحــبـه فـي هــوانـا خــايـفــه
قـولـة:( أحـبك / ياحـبـيـبي) كلـمـتـيـن
مـن خـوفـنا فـوق الشـفـايـف واقــفــه
نـكـبح مـشـاعـرنـا وتـهدا بعـض حـين
وتثـور بعـض الوقـت مـثل العـاصفــه
مـدري مـتى يضحـك لـنا الحـظ اللعـين
وتـصـبـح مـخـاوفــنا مـجــرد سـالـفــه
وإلاّ مـتى نـقـوى عـلى مـــد الـيـديـن
وسـعـد الهـوى والحـب يـوم نصـادفــه
ونـبـوح بالأشــواق والــفــرحــه تــبـن
ونقــول مـن فـيـض المشاعـر طـايـفــه
ما ودي أغـضـب خـالـقـي والله يـمـين
والله ولا ودي تــكـــونـي خــــالــفـــه
مـا قـصـدي إنـك تجـرحـين وتغـدرين
ما أرضا بطـبعـك أي خـصـله هـايـفــه
وأنا الوفـا طـبعـي واظـنـك تـذكـرين
الــغــدر مـن يــومي وقــلـبي عــايـفــه
لكـن قـصـدي مـثل ماانـتي تـقـصـدين
نـبـني جــسـور الــوصـل دايـم نـايـفــه
جــتـني رسـاله مـنـك وإنت ِ تـذكريـن
ولــيـلـه سـألـتـيـني بـكـلــمـه خــاطـفــه
واليـوم أقولك يـا ( هـوى ) لاتسألـين
هــذا الـجـواب الـلـي فــؤادك عــارفــه
اضيف في 09 نوفمبر, 2006 03:33 ص , من قبل عـــوض الــدريــبــي
أخـتي جـينا
أشكر لك مرورك العـبق
وكلماتك الرائعـه بروعـة تواجدك في مدونتي
يسعـدني أن تتكرر زياراتك
تحياتي
أخوك
عـــوض الـدريـبـي
أضف تعليقا
<<الصفحة الرئيسية
.
.
من مصر
كلمات متميزه
احرف ساحره
سلمت يداك على مانثرت لنا من احرف معطره
تحياتي لك ايها المبدع